„მადლობა მინდა გადავუხადო თითოეულ ამომრჩეველს, რომელმაც მხარი დამიჭირა. იქნება ეს ელიის დასახლების, ავლაბრის, მეტრომშენის თუ ისნის“, – განაცხადა გადაცემაში „იმედი LIVE“ „ქართული ოცნების“ მაჟორიტარმა დეპუტატმა თბილისის საკრებულოში, კახა ლაბუჩიძემ.
მისი თქმით, მათ ჰპირდება, რომ რაზეც ჰქონდათ საუბარი წინასაარჩევნოდ, ყველა ის დაპირება აუცილებლად შესრულდება.
„რაც შეეხება გუშინდელ არშემდგარ, ნაცმაიდნის მეხუთე მცდელობას, იყო უბრალოდ სახეცვლილი. ჩვენ „ფარას“ საშუალებით ჩავკეტეთ და აბსოლუტურად კონტროლირებადი გახდა ყველა ის თანხა, რომელიც გარკვეული ძალების მიერ ირიცხებოდა მათივე კონტროლირებად „ენჯეოებში“, ამან ეს დაარეგულირა. აი, რა სახეცვლილია, ფაქტია, რომ უკვე „ენჯეოები“ აღარ იყვნენ იმიტომ, რომ რეალურად მათ აღარ აქვთ ამის საშუალება. მათ არავინ უკრძალავთ ფულის მიღებას, მაგრამ თუ ჩაერიცხება, უნდა იცოდეს სახელმწიფომ რისთვის ირებს, საიდან ერიცხება და ამ ყველაფერს რა დანიშნულება აქვს. ახლა გამოვიდნენ აქტორები.
მაგალითად, პაატა ბურჭულაძე მოგვევლინა რაღაც ლიდერად. გულწრფელად გეტყვით, საერთოდ ვერ გავიგე რად მოგვევლინა. რაღაც პერიოდი დროშა მოფარებული გამოდიოდა, გვემუქრებოდა, იდეებს გვთავაზობდა, სამში გვარებს იძახდა რომ ესა და ეს ხალხი აღარ იქნება, ოთხში ჩვენ ავიღებთ, რაღაცას ამზადებდნენ. მართალი გითხრათ, არ მეგონა თუ ასეთი არაპრაგმატულები იყვნენ. არ მეგონა თუ ასეთი იაფფასიანი ტრიუკებით აპირებდნენ ქვეყნის დამხობას, მაგრამ პირდაპირ ვიძახი, რომ გუშინ ჩვენ სახეზე გვქონდა სახელმწიფო გადატრიალების კლასიკური ფორმა“, – აღნიშნა კახა ლაბუჩიძემ.