„ლელოს“ მერობის დამარცხებული კანდიდატი არჩევნების შედეგებს აღიარებს. ირაკლი კუპრაძემ ამომრჩეველს მადლობა გადაუხადა.
დამარცხებას აღიარებს გახარიას პარტიაც. გიორგი შარაშიძე ამბობს, რომ მათი პარტიული სიით გასული დეპუტატები საკრებულოებში შევლენ, რაც შეეხება პარლამენტის ბოიკოტს, გახარიას პარტიაში ამას შეცდომას უწოდებენ.
„არ გავურბივართ დამდგარ რეალობას და ვაღიარებთ თუნდაც უსამართლო ბრძოლაში დამარცხებას.
ჩვენ ვრჩებით პოლიტიკურ ბოიკოტში. საპარლამენტო ბოიკოტი იყო შეცდომა, თუმცა არ შეცდომის გამოსწორების რამდენიმე გზა არსებობს. უახლოეს მომავალში გავაკეთებთ მიმდინარე პროცესების სერიოზულ ანალიზს და მივიღებთ შესაბამის გადაწყვეტილებას“, – აღნიშნა გიორგი შარაშიძემ.
კომენტარები