„ბაბლი“ შეიკრა პროტესტზე, საერთო სახალხო პროტესტის ნაცვლად, „გაიჩითა“ „ბაბლის“ პროტესტი, ვიღაცა ნენსი ვოლანდმა ან ილო ღლონტმა, როგორ შეიძლება ამ დეგენერატებმა საერთო სახალხო პროტესტი შექმნან? ლაპარაკით, ლაპარაკის ასე ლაპარაკით [უნდა შექმნა საერთო სახალხო პროტესტი], როცა სხვა არ გესმით. დასვით აქ ადამიანები, ვინც იქ დგანან და მე გაჩვენებთ, რასაც ისინი აშავებენ, – ამის შესახებ „გირჩის“ ლიდერმა, იაგო ხვიჩიამ, ტელეკომპანია „ფორმულას“ ეთერში განაცხადა.
მისი თქმით, ნენსი ვოლანდი და სხვა აქტივისტები, რომლებიც ბოლოდროინდელი აქციებისას გახდნენ საზოგადოებისთვის ცნობადები, ბინძურები არიან, რომლებმაც საერთო სახალხო პროტესტი „ბაბლად“ აქციეს. ხვიჩიამ მათ “ყველაზე არაკვალიფიციური, გოიმი და უსინდისო” ადამიანები უწოდა.
„„ქოცები“ უნდა გადმოვიდნენ ჩვენსკენ, თუ მოგება გვინდა, გესმით? და როგორ შეიძლება, ნენსი ვოლანდისკენ „ქოცი“ გადმოვიდეს? ისინი „ქოცების“ წინააღმდეგ არ არიან, სიტყვით არიან. ბინძურები არიან მართლა, დედას ვფიცავარ თუ ბინძურები არ იყვნენ. იმიტომ, რომ ისინი არიან „ქოცებთან“ შეთანხმებული ჩათლახები, რომლებმაც, „ბაბლად“ აქციეს საერთო სახალხო პროტესტი. ამას როგორ ვერ ხვდებით? ერთი „ბაბლის“ პროტესტად, თან ყველაზე გოიმი, ყველაზე არაკვალიფიციური, ყველაზე უსინდისო რამდენიმე ადამიანის პროტესტად გადაიქცა ეს. ამოდით ზემოდან, ზემოდან დახედეთ სიტუაციას. როგორც „სირცხვილია“ განადგურდა, ისე უნდა განადგურდეს „დაიტოვეს“ შპინგალეტები, მანამდე არაფერი გვეშველება,“ – განაცხადა ხვიჩიამ.
როგორც მან აღნიშნა, პროტესტი ლიდერებს არ ბადებს და ბოლოში „დეგენერატები გროვდებიან“, შესაბამისად, გამოდის, რომ როცა ერთი წლის განმავლობაში ყოველდღე აქციაზე ხარ და ლიდერი არ გყავს, ყველაფერს არასწორად აკეთებ.
„როგორ შეიძლება, ერთი წელი რამეს აკეთებდე და ლიდერი არ გყავდეს, ესე იგი, ხომ არასწორია. ერთი წელი რაღაცას აკეთებ, ყოველდღე აქციაზე ხარ და ერთი ლიდერი არ დაიბადა, ე.ი. ხომ არასწორი იყო ყველაფერი? როგორ, შეიძლება ლიდერი არ დაიბადოს ერთი წლის განმავლობაში? ერთი წლის ბოლოს „ბურჭუ“ [პაატა ბურჭულაძე] არის ლიდერი? ე.ი. ხომ ყველაფერი არასწორად კეთდება, იმიტომ, რომ პროტესტი ხელოვნურად არის მოწყობილი ისე, რომ ლიდერებს არ ბადებდეს, დეგენერატები გროვდებოდეს ბოლოში. „ბურჭუ“ დაინახეს ბოლოში [ლიდერად] და ხალხი ციხეში მიდის და თქვენ მეუბნებით, რომ ულიდერო პროტესტი ერთი წლის განმავლობაში, დეგენერატების ერთობლიობა, თურმე, ყოფილა სწორი აზრი.“ – განაცხადა იაგო ხვიჩიამ.