სახელმწიფო გადატრიალების მცდელობა აღიკვეთა, – განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველმა მოადგილემ გიორგი ჩაკვეტაძემ სუს-ის მიერ ჩატარებული სპეცოპერაციის შედეგად ამოღებულ იარაღზე.
„ყოველ ჯერზე, როდესაც იქნება მსგავსი მცდელობები, ქართული სახელმწიფო იქნება მოწოდების სიმაღლეზე. თითოეულმა იმ [სამართალდამცავმა] თანამშრომელმა იმოქმედა იუველირულად. თითოეულის ნაბიჯი იყო ფრთხილად ორგანიზებული, რომ ზედმეტი აჟიოტაჟი არ გამოეწვია. სახელმწიფო გადატრიალების მცდელობა იქნა აღკვეთილი“, – აღნიშნა ჩაკვეტაძემ.
ტყვიამფრქვევი, დიდი რაოდენობით ვაზნები, ყუმბარმტყორცნი, ტანკსაწინააღმდეგო ჭურვები, ფეთქებადი ნივთიერება – ტროტილი და ასაფეთქებელი მოწყობილობები – 3 ელექტროდეტონატორი და ორი ავტომატური ცეცხლსასროლი იარაღი – სუსის ოპერატიული ინფორმაციით, ამ საბრძოლო მასალის გამოყენებით, თბილისში, ოთხ ოქტომბერს დაორგანიზებული ჯგუფური ძალადობის და პრეზიდენტის სასახლის ხელში ჩაგდების მცდელობის პარალელურად, დივერსიული აქტები უნდა განხორციელებულიყო.