იურიდიულ საკითხთა საპარლამენტო კომიტეტის თავმჯდომარის პირველი მოადგილე თორნიკე ჭეიშვილი ეხმაურება „ნაციონალური მოძრაობის“ ყოფილი წევრის, ნიკა ობოლაძის განცხადებას, რომ „მმართველმა პარტიამ ყველაფრის მიუხედავად მოიგო და ის, რომ ოპოზიციამ გაიმარჯვა, “ეს ფაქტი არ არის”.
ჭეიშვილი აღნიშნავს, რომ „ქართული ოცნება“ 2012 წელის შემდეგ ყველა არჩევნებს დამაჯერებლად იგებს.
„ვფიქრობთ, ამაში ახალი არაფერია, „ქართული ოცნება“ 2012 წლის შემდგომ დამაჯერებლად იგებს ყველა არჩევნებს და ეს იყო ჩვენი მეათე, საიუბილეო გამარჯვება, როდესაც ჩვენ ვნახეთ, რომ ადგილობრივი თვითმმართველობის არჩევნებისთვის უპრეცედენტოდ მაღალი მხარდაჭერა მიიღო „ქართულმა ოცნებამ“ და ფაქტობრივად გაიმეორა 2024 წლის საპარლამენტო არჩევნების შედეგი, რომელიც თავის მხრივ ასევ იყო ძალიან მაღალი. და ეს გულისხმობს იმას, რომ ჩვენს ხელისუფლებას აქვს ძალიან მტკიცე ლეგიტიმაცია”, – განაცხადა თორნიკე ჭეიშვილმა.