შინაგან საქმეთა სამინისტრომ, პოლონეთისა და საქართველოს მოქალაქეებს შორის მომხდარი ფიზიკური დაპირისპირების ამსახველი ვიდეოკადრები გაავრცელა.
მანამდე, უწყებამ გაავრცელა განცხადება, რომ ორი ან მეტი პირის მიმართ ჩადენილი ძალადობის ბრალდებით, 2004 წელს დაბადებული ს.ჯ. და წარსულში სხვადასხვა მძიმე დანაშაულისთვის ნასამართლევი, 1985 წელს დაბადებული ე.გ. დააკავეს. ბრალდებულებმა, ურთიერთშელაპარაკების ნიადაგზე, თბილისში მდებარე ერთ-ერთი რესტორნის მიმდებარე ტერიტორიაზე, სხვადასხვა სახის დაზიანებები მიაყენეს პოლონეთის სამ მოქალაქეს, ხოლო ფიზიკური დაპირისპირებისას ერთ-ერთმა ბრალდებულმა, ე.გ-მბლაგვი საგნის გამოყენებით ფიზიკურად იძალადა მათზე.
“მაღალი საზოგადოებრივი ინტერესიდან გამომდინარე, გთავაზობთ პოლონეთისა და საქართველოს მოქალაქეებს შორის მომხდარი კონფლიქტის ამსახველ კადრებს.
მომხდართან დაკავშირებით სამართალდამცველების მიერ დაკავებულია 2 პირი.
გამოძიება სისხლის სამართლის კოდექსის 126-ე მუხლის პირველი პრიმა ნაწილით მიმდინარეობს”, – აღნიშნულია შსს-ს მიერ გავრცელებულ განცხადებაში, რომელსაც თან ახლავს ფაქტის ამსახველი ვიდეოკადრები