გამოვიდა ნინო ლომჯარია და მოუწოდა მოქალაქეებს დაერღვიათ კანონი. თვითონ, სავარაუდოდ, ისევ ტროტუარზე იდგა, – განაცხადა მედიასთან საუბარში პარტია „ხალხის ძალის“ საერთაშორისო ურთიერთობათა მდივანმა, დეპუტატმა ეკა სეფაშვილმა ნინო ლომჯარიას მოწოდებაზე – „რუსთაველზე ვართ საჭირო“.
მისი თქმით, ნინო ლომჯარიას სურდა სხვა ადამიანების, ახალგაზრდების ხელით შეესრულებინა ის დავალება, რომელიც უცხოელმა პარტნიორებმა მისცეს.
„გამოვიდა ნინო ლომჯარია და მოუწოდა მოქალაქეებს დაერღვიათ კანონი. თვითონ, სავარაუდოდ, ისევ ტროტუარზე იდგა. მას სურდა სხვისი ხელით, სხვა ადამიანების და ახალგაზრდების ხელით შეესრულებინა ის დავალება, რომელიც მისცეს უცხოელმა პარტნიორებმა. თუმცა, ამ პოლიტიკოსისგან, უფრო სწორად აგენტისგან, გასაკვირი არ არის ეს მოწოდება. ეს არის ადამიანი, რომელმაც თავი დაამახსოვრა საზოგადოებას იმით, რომ ნატრობდა ბომბების წვიმას საქართველოში“, – განაცხადა ეკა სეფაშვილმა.