ნაპოვნია ის ადამიანი, რომელიც თავს დაგვესხა პირდაპირი ჩართვის მომენტში და შეგვასხა სავარაუდოდ წიწაკის „სპრეი“, – განაცხადა საზოგადოებრივი მაუწყებლის ჟურნალისტმა შალვა სუმბაძემ, რომელსაც 4 ოქტომბერს აქციის მონაწილეები თავს დაესხნენ.
მისი თქმით, მოხდა იდენტიფიცირება იმ ადამიანის, ვინც მას თავს დაესხა.
„გაგვაცნეს ბრალის დადგენილება, განგვიმარტეს, რომ ნაპოვნია ის ადამიანი, რომელიც თავს დაგვესხა პირდაპირი ჩართვის მომენტში და შეგვასხა სავარაუდოდ წიწაკის „სპრეი“, როგორც გვითხრეს, რამდენიმე ათეული კამერის დამუშავება მოხდა, რომ გარკვეულიყო პროცედურულად, სადაც დავუშვათ ნიღაბს მოიძრობდა ეს ადამიანი და მოხდებოდა იდენტიფიცირება“, – განაცხადა შალვა სუმბაძემ.
კომენტარები