“როცა ჩემმა დელეგაციამ პასუხი გასცა მოქალაქის წერილს, რომელიც ეხებოდა უვიზო რეჟიმის საკითხს, ჩვენ უბრალოდ ჩვენი საქმე გავაკეთეთ”

როცა ჩემმა დელეგაციამ პასუხი გასცა მოქალაქის წერილს, რომელიც ეხებოდა უვიზო რეჟიმის საკითხს, ჩვენ უბრალოდ ჩვენი საქმე გავაკეთეთ, – განუცხადა საქართველოში ევროკავშირის ელჩმა, პაველ ჰერჩინსკიმ ჟურნალისტებს ახალგაზრდული მოძრაობა „დაფიონის“ დამფუძნებლის, პატიმრობაში მყოფ ზვიად ცეცხლაძისთვის ევროკავშირის საელჩოს მიერ გაგზავნილ წერილთან დაკავშირებით.

„როცა ჩემმა დელეგაციამ პასუხი გასცა მოქალაქის წერილს, რომელიც ეხებოდა უვიზო რეჟიმის საკითხს, ჩვენ უბრალოდ ჩვენი საქმე გავაკეთეთ. მკაფიოდ ვაცხადებთ, რომ ჩვენ – ევროკავშირი არ ვუჭერთ მხარს საქართველოში არცერთ პოლიტიკურ პარტიას, ვგმობთ ძალადობას და მოვუწოდებთ დიალოგისკენ“, – აღნიშნა ელჩმა.