გიორგი გახარიას პარტიას კიდევ ერთი შეცდომის აღიარება მოუწია. შეწყვიტეს ტელეკომპანია „იმედთან“ ბოიკოტი. ამბობენ, რომ მოცემულობა შეიცვალა, თუმცა კონკრეტულად – რა, ვერ ასახელებენ.
გახარიას პარტიაში შეცდომად აფასებენ ასევე, მანდატების გამოუყენებლობას.
„მანდატების არ გამოყენება იყო ბუნებრივია შეცდომა. ხოლო მას შემდეგ, რაც 4 ოქტომბერს, „ქართული ოცნების“ და „ნაციონალური მოძრაობის“ ერთად დაგეგმილ პროვოკაციას, რომელსაც დაერქვა „მშვიდობიანი დამხობა“, უბრალოდ მანდატების არ გამოყენებას აზრი აღარ ჰქონდა. საერთოდ არ გვაინტერესებს რას იტყვიან კოლექტიური „ნაცმოძრაობის“ წევრები და განაყოფები „ნაციონალური მოძრაობის“. ლეგიტიმაცია აღქმის საკითხია. ჩვენ ვაღიარებთ ამ რეალობას, ვხედავთ ამ მოცემულობას, ამიტომ ჩვენ შევდივართ ამ პოლიტიკურ პროცესში. რაც შეეხება საბიუჯეტო ხარჯებს, ეს არ არის „ქართული ოცნების“ პირადი სალარო. ეს არის ქართველი გადასახადის გადამხდელისგან გადახდილი გადასახადები შეკრებილი. 4-მა ოქტომბერმა გაუხსნა „ქართულ ოცნებას“ გზა, რომ დაეძლია ლეგიტიმაციის კრიზისი“, – განაცხადა პარტია „გახარია საქართველოსთვის“ წევრმა ლევან გოგიჩაიშვილმა.