ქართველი ძიუდოისტი, ევროპისა და მსოფლიოს ჩემპიონი ავთანდილ ჭრიკიშვილი ქვემო ქართლში სახელმწიფო რწმუნებულის მოადგილედ დაინიშნა. ინფორმაციას ქვემო ქართლის სამხარეო ადმინისტრაცია ავრცელებს.
“ავთანდილ ჭრიკიშვილი სამხარეო ადმინისტრაციაში სპორტისა და ახალგაზრდობის მიმართულებას ჩაიბარებს. ის 2023 წლიდან დღემდე გარდაბნის, რუსთავის, მარნეულის, თეთრიწყაროს, დმანისისა და ბოლნისის მუნიციპალიტეტების მასშტაბით 27 სპორტული დარბაზის კურატორი მწვრთნელი და ტრენერთა ტრენერია ძიუდოში. ავთანდილ ჭრიკიშვილი, რომელიც სხვადასხვა წლებში მსოფლიოს, ხოლო ევროპის სამგზის ჩემპიონია, 2014 წელს მსოფლიოს წლის საუკეთესო ძიუდოისტად დასახელდა. ის სპორტის დამსახურებული ოსტატია” – ნათქვამია ინფორმაციაში.
