ევროკავშირში ბალტიის ქვეყნები არის ის ქვეყნები, სადაც ყველაზე მეტად არის შესული „დიფ სთეითი“, – განაცხადა „ხალხის ძალის“ აღმასრულებელმა მდივანმა, გურამ მაჭარაშვილმა.
„სხვას მოუწოდებენ რუსეთთან სანქციებზე, ამ დროს თვითონ სავაჭრო ურთიერთობები აქვთ რუსებთან. სახელმწიფო მეთაურების მეუღლეებს აქვთ ბიზნესები. ახლაც, ამ მოცემულობაში, როდესაც ნავთობთან დაკავშირებით ტანკერებით ზიდავენ ნავთობს, რითაც ხელს უწყობენ საერთაშორისო სანქციების თავიდან არიდებას რუსეთის სასარგებლოდ, ეს ბალტიისპირა ქვეყნები ჩვენ მოგვიწოდებენ, რომ სამხედრო კონფლიქტში შევიდეთ რუსეთთან, იმიტომ რომ, როგორც საჯაროდ განაცხადეს, ბალტიის ქვეყნებში უნდა იყოს მშვიდობაა და დაე უკრაინასა და საქართველოში იყოს ომი“, – აღნიშნა გურამ მაჭარაშვილმა.
ბალტიისპირეთის ქვეყნების კომპანიები რუსეთის „ჩრდილოვან“ ტანკერებზე ნავთობის გადატვირთვაში მონაწილეობენ. ინფორმაციას ლიეტუვური მედია ჩატარებულ ჟურნალისტურ გამოძიებაზე დაყრდნობით ავრცელებს.