სოსო ოსორაულის საქმესთან დაკავშირებით საქართველოს ელჩი სამხრეთ აფრიკის რესპუბლიკაში ბექა დვალი გადაცემაში „დღის ამბები“ საუბრობს:
„ჩვენი თანამემამულის, ჩვენი მფრინავის იოსებ ოსორაულის M- 23-ის ჩავარდნის შესახებ, როდესაც ჩვენი უწყებისთვის გახდა დადასტურებულად ცნობილი, იმ მომენტიდან საქართველოს მთავრობამ, საქართველოს ხელისუფლებამ, მათ შორის ჩვენმა უწყებამ, საელჩომ დაიწყო იმ ნაბიჯის გადადგმა, რა შეიძლება გადადგმულიყო დიპლომატიური არხებთან ასეთ ვითარებაში. დამყარდა კომუნიკაცია, დაიწყო დიალოგი ამ საკითხთან შესაძლო შემხებლობის მქონე ყველა მხარესთან. დიმპლომატიური არხებით, კონგოს დიპლომატიური რესპუბლიკის მხარესთან, კონგოში გაეროს მისიასთან, წითელი ჯვრის საერთაშორისო კომიტეტთან, ყველა შესაძლო მხარესთან რომელსაც რაღაც შემხელბლობა აქვს. მათ შორის განხორცილდა ჩემი პირადი ვიზიტი კონგოს დემოკრატიულ რესპუბლიკაში.
მაისის თვეში საქართველოს საგარეო სამინისტროში შემოვიდა ინფორმაცია, უშუალოდ ამ დაჯგუფებასთან დაკავშირებული წყაროდან, ამ შეტაკების შესახებ, რომლის შედეგად სავარაუდოდ დაიღუპა ჩვენი თანამემამულე. კომპლექსური პროცესია, ყველა სხვა არხთან, ყველა სხვა ინსტიტუტთან ჩვენ პარალელურ რეჟიმში გვქონდა კომუნიკაცია იმ მომენტიდან. მიუხედავად იმისა, რომ სხვა წყაროები ვერ ადასტურებდნენ ამ ინფორმაციას, რაც დღემდე გრძელდება, ეს იყო ჩვენი სახელმწიფოს აბსოლუტური ვალდებულება, რომ ეს ინფორმაცია გაგვეზიარებინა ოჯახისთვის, ვინაიდან, ეს ინფორმაცია პირველწყაროდან მოდიოდა.
ამ ვიდეოსთან დაკავშირებით, პირველი ის შემიძლია გითხრათ, რომ ეს ვიდეო თებერვლის თვეში გაუზიარა საგარეო უწყებას იოსებ ოსორაულის ძმამ, ბატონმა გიორგი ოსორაულმა, როგორც ჩვენთვისაა ცნობილი ეს ვიდეო ოჯახმა მიიღო. როგორც ჩვენთვის გახდა ცნობილი ოჯახის ბევრ წევრს არ ჰქონდა ეს ვიდეო ნანახი. ოჯახთან შეთანხმებით არ გასაჯაროვებულიყო ეს ვიდეო, ვინაიდან ძალიან მგრძნობიარე თემაა. გიდასტურებთ, რომ ეს არის თებერვლის თვეში გადაღებული. ჩვენ ვართ გადამოწმების პროცესში. რეგიონში გაეროს მისია, კონგოში წითელი ჯვარი, ეს არის რთული პროცესი და ჩვენ ეს ყველაფერი უნდა გავაცნობიეროთ რომ საქმე გვაქვს ფრიად რთულ რეგიონთან და დიდი მოთმინებით, იმედით ვიყოთ რომ გაირკვევა ყველაფერი“, – განაცხადა ბექა დვალმა.