„ქრონიკა“ დაინტერესდა, რა ინფორმაცია მიაწოდა BBC-ის აქტივისტმა კონსტანტინე ჩახუნაშვილმა, რატომ გამოიტანა დასკვნა მედიასაშუალებამ, რომ „ქართული ოცნების“ ხელისუფლებამ აქციაზე პირველი მსოფლიო ომის დროინდელი ქიმიური იარაღი გამოიყენა და ემხრობა თუ არა ჩახუნაშვილი მას.
„არაფერი ინფორმაცია არ მიმიწოდებია არავისთვის. თუ გსურთ ამაზე საუბარი „ლაივში“ მომიწვიეთ და გავისაუბროთ. თუ ჩვენ კვლევაზე გაინტერესებთ, კვლევა არის საჯარო, ლინკსაც ჩაგიგდებთ და შეგიძლიათ გაეცნოთ“, – აღნიშნა აქტივისტმა „ქრონიკასთან“ სატელეფონო საუბარში.
ცნობისთვის, BBC-იმ გამოაქვეყნა სტატია, რომელშიც საუბარია იმაზე, რომ „ქართული ოცნების“ ხელისუფლებამ აქციაზე პირველი მსოფლიო ომის დროინდელი ქიმიური იარაღი გამოიყენა. ჩახუნაშვილი ამბობს, რომ BBC-ისთვის მას ინფორმაცია არ მიუწოდებია, თუმცა სწორედ ის იყო იმ საგამოძიებო ფილმის ერთ-ერთი მთავარი რესპონდენტი, რომელშიც საქართველოს ხელისუფლებას 2024 წლის აქციებზე პირველი მსოფლიო ომის დროინდელი ქიმიური ნივთიერების გამოყენებაში ადანაშაულებენ. ჩახუნაშვილი გამოკითხვაზეა დაბარებული.