საფრანგეთის პრეზიდენტმა და გერმანიის კანცლერმა უკრაინასა და რუსეთს შორის სამშვიდობო მოლაპარაკებების ფარგლებში აშშ-ის მთავრობისა და მისი წარმომადგენლების ძალისხმევის მიმართ მკაცრი სკეპტიციზმი გამოთქვეს, – წერსგერმანული გამოცემა Der Spiegel-ი ევროპელი ლიდერებისა და ვოლოდიმირ ზელენსკის სატელეფონო საუბარზე დაყრდნობით.
Der Spiegel-ის ინფორმაციით, ვოლოდიმირ ზელენსკისა და ევროპის სხვა ლიდერებთან სატელეფონო საუბრისას, საფრანგეთის პრეზიდენტმა, ემანუელ მაკრონმა გააფრთხილა, რომ შეთანხმების მისაღწევად, აშშ-ს შეეძლო უკან დაეხია უკრაინის საკითხზე ტერიტორიული დათმობებისა და უსაფრთხოების გარანტიების კუთხით.
„არსებობს შანსი, რომ აშშ-მა ტერიტორიულ საკითხზე უკრაინას უღალატოს, უსაფრთხოების გარანტიებზე სიცხადის გარეშე“, – თქვა საფრანგეთის ლიდერმა, გერმანული გამოცემის ცნობით.
Der Spiegel-ის ანგარიშის თანახმად, ორშაბათს გამართულ სატელეფონო საუბარში, გერმანიის კანცლერმა, ფრიდრიხ მერცმა ზელენსკი გააფრთხილა, რომ აშშ-ის მომლაპარაკებლები „თამაშობენ“ და რომ მომდევნო რამდენიმე დღის განმავლობაში ის „ძალიან ფრთხილად“ უნდა იყოს.