პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, ოპერატიულ-ტექნიკური სააგენტოს შექმნა წარმატებული რეფორმა იყო.
„თავად რეფორმა, რაც ჩვენ დავიწყეთ შინაგან საქმეთა სამინისტროსგან, გავყავით, სახელმწიფო უსაფრთხოების სამსახური ცალკე ჩამოვაყალიბეთ, და ამის შემდეგ ოპერატიულ-ტექნიკური სააგენტო შევქმენით. ეს იყო აბსოლუტურად სწორი და წარმატებული რეფორმა. ეს ჩვენ გვაძლევს მეტ დამოუკიდებლობას, მეტი კონტროლის საშუალებას, მეტ ანგარიშვალდებულებას, ამიტომ თავისთავად ცხადია ხელმძღვანელის შერჩევა იყო ძალიან მნიშვნელოვანი და რთულიც.
მართლა გულწრფელად გეუბნებით, გამიხარდა, რომ წარმოდგენილი კანდიდატები იყვნენ მართლაც გამორჩეულები და ღირსეულები, და თითოეულ ჩვენგანს მოგვეცა საშუალება, რომ საუკეთესოთა შორის საუკეთესო არჩევანი გაგვეკეთებინა.
იმედი მაქვს, რომ ამ სამსახურს ძლიერი ხელმძღვანელი ეყოლება, პროფესიონალი, მენეჯერული თვისებებით და რაც მთავარია, ყველა ვართ ჩვენი ქვეყნის უსაფრთხოების სამსახურში და წარმატებას ვუსურვებ ამ სააგენტოს“,- განაცხადა სესიაშვილმა.