პოლონელი პოლიტიკური ანალიტიკოსი აშშ-ის საიმიგრაციო და საბაჟო აღსრულების სამსახურის (ICE) ბოლოდროინდელ ქმედებებს „ცხოველებზე ნადირობას“ ადარებს. ტომაშ პლუდოვსკის აზრით, შუალედური არჩევნების წინ, ამან, შესაძლოა, ამერიკული საზოგადოების პოლარიზება გააღრმავოს.
„ქუჩებში აგენტები ადამიანებს ზურგსა და თავში ესვრიან – ეს რეიდები ცხოველებზე ნადირობას ჰგავს“, – ამბობს ამერიკათმცოდნე ექსპერტი, ტომაშ პლუდოვსკი, აშშ-ის საიმიგრაციო და საბაჟო აღსრულების სამსახურზე საუბრისას.
ისი მხრიდან ასეთი მკაცრი შეფასება განაპირობა იანვარში მინეაპოლისში (მინესოტას შტატი) ფედერალური საიმიგრაციო სამსახურის ოფიცრებისმთელი ქვეყნის მიერ ორი ადამიანის – რენე გუდისა და ალექს პრეტის – მკვლელობამ, რამაც ქვეყანაში ფართომასშტაბიანი პროტესტი და ICE-ს ქმედებებზე კონცენტრირება გამოიწვია.
პლუდოვსკი ვარაუდობს, რომ მკაცრი ტაქტიკა, შესაძლოა, არეულობის გამოწვევაზე გათვლილი სვლა იყოს.
„ზოგიერთს სჯერა, რომ მიზანი უფრო დიდი არეულობების გამოწვევა, პოლარიზაციის გაზრდა და საგანგებო მდგომარეობის შემოღებისთვის ნიადაგის მომზადებაა, რაც დონალდ ტრამპის უფლებამოსილების ვადის გახანგრძლივებასა და არჩევნების გადადებას გაამართლებს“, – აღნიშნა მან.
მისივე თქმით, ამ მკვლელობებმა შეშფოთება თავად რესპუბლიკელებშიც გამოიწვია, განსაკუთრებით იმიტომ, რომ ერთ-ერთი მსხვერპლი, მედდა ალექს პრეტი, რომელიც ვეტერანებზე ზრუნავდა, კანონიერად ატარებდა იარაღს.
„ეს პირდაპირ ეწინააღმდეგება რესპუბლიკელების ღირებულებებს“, – განაცხადა პლუდოვსკიმ.
ანალიტიკოსის შეფასებით, პრეტის მიერ ცეცხლსასროლი იარაღის ფლობასთან დაკავშირებით ტრამპის ადმინისტრაციის მხრიდან გაჟღერებულმა კრიტიკამ გავლენიანი „მსროლელთა ეროვნული ასოციაციის“ (NRA) უარყოფითი რეაქცია გამოიწვია, რამაც, შესაძლოა, ტრამპს ამ საკითხზე რიტორიკა შეაცვლევინოს.
პლუდოვსკი ხაზს უსვამს, რომ კარსმომდგარ ნოემბრის შუალედური არჩევნებში პრეზიდენტებს, როგორც წესი, წარმატების მიღწევა უჭირთ.
„თუ რამე არ შეიცვლება, ტრამპმა, შესაძლოა, ორივე პალატა დემოკრატებს გადააბაროს, რაც პოლიტიკურ ჩიხს გამოიწვევს“, – ამბობს ამერიკათმცოდნე ანალიტიკოსი, რომელიც ვარაუდობს, რომ ასეთ შემთხვევაში, ტრამპმა, შესაძლოა, კონგრესს გვერდი აუაროს და ქვეყანა აღმასრულებელი ბრძანებებით მართოს.
2028 წლის საპრეზიდენტო არჩევნებზე საუბრისას, პლუდოვსკიმ ყოფილი ვიცე-პრეზიდენტის, კამალა ჰარისის შანსებს საერთოდ გადაუსვა ხაზი, 2024 წელს ტრამპთან მისი მარცხიდან გამომდინარე.
2028 წლის საპრეზიდენტო არჩევნებზე საუბრისას, პლუდოვსკიმ ყოფილი ვიცე-პრეზიდენტის, კამალა ჰარისის შანსებს საერთოდ გადაუსვა ხაზი, 2024 წელს ტრამპთან მისი მარცხიდან გამომდინარე.
წყარო: პოლონეთის სახელმწიფო საინფორმაციო სააგენტო PAP (Polska Agencja Prasowa)