პოლონეთის პრემიერ-მინისტრი, დონალდ ტუსკი ქვეყანაში აშშ-ის ელჩს, ტომ როუზს გამოეხმაურა, რომელმაც განაცხადა, რომ წყვეტს კონტაქტს პოლონეთის სეიმის მარშალთან, ვლადიმირ ჩაჟასტისთან მას შემდეგ, რაც ამ უკანასკნელმა გააკრიტიკა დონალდ ტრამპი და უარი თქვა მისი კანდიდატურის მხარდაჭერაზე 2026 წლის ნობელის მშვიდობის პრემიის ნომინაციაზე.
„ბატონო ელჩო როუზ, მოკავშირეები ერთმანეთს პატივს უნდა სცემდნენ და არა ჭკუას ასწავლიდნენ. ყოველ შემთხვევაში, ჩვენ, აქ, პოლონეთში, პარტნიორობა ასე გვესმის“, – აღნიშნა პოლონეთის მთავრობის მეთაურმა.
პოლონეთის სეიმის მარშალმა მანამდე განაცხადა, რომ არ უჭერს მხარს აშშ-ის პრეზიდენტის, დონალდ ტრამპის ნობელის მშვიდობის პრემიაზე წარდგენას, რადგან მისი განმარტებით, ტრამპი ამას არ იმსახურებს.
კომენტარები