Washington Post-ის ცნობით, დონალდ ტრამპის მიერ ირანში სამხედრო ოპერაციის დაწყებაზე დიდი გავლენა მოახდინა საუდის არაბეთის პრინცმა და ფაქტობრივმა მმართველმა, მუჰამედ ბინ სალმანმა.
“საუდის არაბეთის ტახტის მემკვიდრე პრინცი, მუჰამედ ბინ სალმანი, გასული თვის განმავლობაში ტრამპს რამდენიმეჯერ ტელეფონით ესაუბრა, სადაც ის აშშ-ის თავდასხმას მხარს უჭერდა, მიუხედავად იმისა, რომ საჯაროდ საკითხის დიპლომატიური გზით მოგვარებას ემხრობოდა,” – წერს გამოცემა ოთხ ანონიმურ წყაროზე დაყრდნობით.
2026 წლის 28 თებერვალს შეერთებულმა შტატებმა და ისრაელმა ირანში სამხედრო დარტყმები განახორციელეს. იერიშების შედეგად მოკლულია ირანის უზენაესი ლიდერი აიათოლა ალი ხამენეი, რევოლუციის გუშაგთა კორპუსის მეთაური, თავდაცვის მინისტრი და სხვა მაღალჩინოსნები.
გარდა ამისა, ისრელისა და აშშ-ის ავიაცია ირანის სამხედრო ობიექტებს, მათ შორის, ბალისიტიკური რაკეტების გამშვებ მოწყობილობებს და საწარმოებს ბომბავს.
საპასუხოდ, ირანმა ისრაელი და ახლო აღმოსავლეთის ის არაბული ქვეყნები დაბომბა, სადაც ამერიკული სამხედრო ბაზები მდებარეობს.