საქართველოს შინაგან საქმეთა მინისტრის მოადგილის, შალვა ხუციშვილის განცხადებით, ფოთის პორტზე კიბერთავდასხმა არ ყოფილა.
ხუციშვილის განცხადებით, ფოთის პორტში უცხოური საერთაშორისო კომპანია ოპერირებს და მასზე გარკვეული კიბერშეტევა იყო, რომელსაც იმ ქვეყნის სამსახურები იძიებენ, სადაც სათაო ოფისი მდებარეობს და საქართველოში მხოლოდ მისი წარმომადენლობა იყო.
„რაც შეეხება საკანონმდებლო ორგანოს, პარლამენტთან დაკავშირებით ოფიციალური შეტყობინება არ ყოფილა, თუმცა საჯაროდ გავრცელებულ ინფორმაციაზე დაყრდნობით, ჩვენი სპეციალისტები პარლამენტის შესაბამის სამსახურს დაუკავშირდნენ და ვითარებაში გარკვევა მიმდინარეობს. პირველადი ინფორმაციის შეგროვების შემდეგ გადაწყდება, თუ რა მოხდა და დაიწყება თუ არა სისხლის სამართლის გამოძიება. გამოძიება დაწყებული არ არის, თუმცა ჩვენი ინიციატივით, პარლამენტს დავუკავშირდით“, – დასძინა ხუციშვილმა.