მექსიკაში ირანის საელჩოს მიერ გავრცელებული ინფორმაციის თანახმად, ირანის ფეხბურთის ფედერაცია ფიფასთან „ მოლაპარაკებებს აწარმოებს“ მსოფლიო საფეხბურთო ჩემპიონატზე ირანის ნაკრების ჯგუფური ეტაპის მატჩების შეერთებული შტატებიდან მექსიკაში გადატანის თაობაზე, რისი მიზეზიც ახლო აღმოსავლეთში მიმდინარე სამხედრო კონფლიქტია. ირანის მონაწილეობა მსოფლიო საფეხბურთო ჩემპიონატის ფინალურ სტადიაზე, რომელიც ამ ზაფხულს შეერთებულ შტატებში, კანადასა და მექსიკაში ტარდება, ეჭვქვეშ მას შემდეგ დადგა, რაც გასული თვის ბოლოს ამ ქვეყნის წინააღმდეგ აშშ-მა და ისრაელმა ომი დაიწყეს.
„როდესაც დონალდ ტრამპმა ერთმნიშვნელოვნად განაცხადა, რომ ირანის ეროვნული ნაკრების უსაფრთხოებას ვერ უზრუნველყოფს, ჩვენ, რა თქმა უნდა, გადავწყვიტეთ, რომ შეერთებულ შტატებში არ გავემგზავროთ, – აღნიშნა ირანის ფეხბურთის ხელმძღვანელმა, მეჰდი თაჯმა საელჩოს X-ის ანგარიშზე გამოქვეყნებულ კომენტარში, – ამჟამად ფიფა-სთან მოლაპარაკებებს ვაწარმოებთ, რათა ირანის ნაკრებმა თავისი მატჩები მექსიკაში ჩაატაროს“.
ირანი ლოს-ანჯელესში ახალ ზელანდიასა და ბელგიას დაუპირისპირდება, შემდეგ კი სიეტლში ეგვიპტეს შეხვდება. ამჟამად, გუნდის საწვრთნელი ბანაკი ტურნირისთვის არიზონაში, ტუსონში მდებარეობს. აბოლფაზლ პასანდიდეჰმა, ირანის ელჩმა მექსიკაში, ორშაბათს, საელჩოს ვებსაიტზე გამოქვეყნებულ განცხადებაში დაგმო “აშშ-ის მთავრობის არაკოოპერატიულობა ვიზების გაცემისა და ლოგისტიკური მხარდაჭერის უზრუნველყოფის კუთხით” მსოფლიო ჩემპიონატის წინ ირანელი დელეგაციისთვის. მან დაამატა, რომ ასევე “საფეხბურთო ფედერაციას შესთავაზა ირანის მატჩების შეერთებული შტატებიდან მექსიკაში გადატანა”.
ტურნირის კალენდრის თანახმად, ირანი ახალ ზელანდიას და ბელგიას ლოს-ანჯელესში დაუპირისპირდება, რის შემდეგაც სიეტლში ეგვიპტეს შეხვდება. ჩემპიონატის მიმდინარეობისას, გუნდის საბაზო ბანაკი ტუსონში (არიზონას შტატი) განთავსდება. ირანის ელჩმა მექსიკაში, აბოლფაზლ ფასანდიდემ, საელჩოს ვებ-გვერდზე გამოქვეყნებულ განცხადებაში დაგმო „აშშ-ის მთავრობის მხრიდან თანამშრომლობაზე უარის თქმა ვიზების გაცემასა და ლოჯისტიკის საკითხებში“. მანვე დასძინა, რომ „შესთავაზა ფიფას, ირანის მატჩები შეერთებული შტატებიდან მექსიკაში გადაიტანოს.“
სააგენტო „ფრანს პრესის“ თხოვნაზე, კომენტარი გაეკეთებინა ამ საკითხზე, ფიფა-ს დაუყოვნებლივ არ უპასუხია. გასულ კვირას დიდი აჟიოტაჟი გამოიწვია ტრამპის განცხადებამ, რომ მართალია, ირანის საფეხბურთო ნაკრები შეერთებულ შტატებში „სასურველი სტუმარი“ იქნება, მაგრამ „საკუთარი სიცოცხლისა და უსაფრთხოების გამო“, ისინი ტურნირზე არ უნდა გაემგზავრონ. ტრამპის ეს განცხადება მოჰყვა ფიფა-ს პრეზიდენტის, ჯანი ინფანტინოს მტკიცებას, რომ ტრამპი მას ირანის ნაკრების „სიამოვნებით მიღებას“ დაჰპირდა. ტრამპის განცხადების საპასუხოდ, ირანმა ხაზგასმით აღნიშნა, რომ „მსოფლიო ჩემპიონატიდან ირანის ეროვნული ნაკრების გარიცხვის უფლება არავის აქვს“. მსოფლიო საფეხბურთო ფორუმზე ირანის მონაწილეობა ეჭვქვეშ მას შემდეგ დადგა, რაც შეერთებულმა შტატებმა და ისრაელმა მასიური შეტევა წამოიწყეს ისლამური რესპუბლიკის წინააღმდეგ, რაზეც თეირანმა რაკეტებითა და დრონებით განხორციელებული დარტყმებით უპასუხა, რომლებიც ისრაელის ტერიტორიისა და ახლო აღმოსავლეთში არსებული ამერიკული სამიზნეებისკენ იყო მიმართული.
https://www.afp.com/en/agency/our-commitments/afp-charters