აშშ-ის პრეზიდენტმა, დონალდ ტრამპმა CNN-ს განუცხადა, რომ ჰორმუზის სრუტე „ძალიან მალე გაიხსნება“ და დასძინა, რომ ისურვებდა ამ სასიცოცხლოდ მნიშვნელოვანი სავაჭრო გზის ხილვას აშშ-ისა და ირანის ერთობლივი კონტროლის ქვეშ.
CNN-ის დაჟინებულ კითხვაზე, თუ „როდის უნდა ველოდოთ სრუტის გახსნას“, ტრამპმა უპასუხა: „ეს ძალიან მალე მოხდება“, თუკი ირანთან მოლაპარაკებები სწრაფი ტემპით გაგრძელდება.
„ის ერთობლივი კონტროლის ქვეშ იქნება“, – დასძინა მან. „მე და აიათოლა – ვინც არ უნდა იყოს ეს აიათოლა, ვინც არ უნდა იყოს შემდეგი აიათოლა“.
„ასევე მოხდება რეჟიმის ცვლილების ძალიან სერიოზული ფორმა“, – განაცხადა ტრამპმა და მიუთითა კონფლიქტის ადრეულ საათებში განხორციელებულ დარტყმებზე, რომლებმაც ირანის ხელმძღვანელობის დიდი ნაწილი იმსხვერპლა. „რეჟიმის ცვლილება ავტომატურად ხდება“, – თქვა მან, რის შემდეგაც აღნიშნა, რომ გასულ უქმეებზე გამართულმა მოლაპარაკებებმა კონფლიქტის დასრულების იმედი გააჩინა.