საფრანგეთის პრეზიდენტი ემანუელ მაკრონი აცხადებს, რომ ლიბანის ბრძოლა სამართლიანია.
„ლიბანის ბრძოლა დღეს სამართლიანია. აქ არავინ ამართლებს თავდასხმებს და ტერორისტულ მოძრაობებს, მაგრამ გზავნილი ისაა, რომ ლიბანი თავად უნდა გაუმკლავდეს თავის პრობლემებს და არაფერი ამართლებს მისი ტერიტორიული მთლიანობისა და სუვერენიტეტის ხელყოფას“, – განაცხადა მაკრონმა.
საფრანგეთის პრეზიდენტმა ასევე აღნიშნა, რომ ოკუპაცია ვერავის უსაფრთხოებას ვერ უზრუნველყოფს.
„როდესაც სხვები გვარწმუნებენ, რომ უსაფრთხოება მხოლოდ მეზობლის დაპყრობით არის შესაძლებელი, ლიბანი გვახსენებს ერთ რამეს: იმას, რომ საერთაშორისო სამართლის ძალა, რომელიც მშვიდობიანი თანაცხოვრების შესაძლებლობას წარმოადგენს, ყველაფერზე მაღლა უნდა იყოს“, – აღნიშნა ემანუელ მაკრონმა.
კომენტარები