მეორედ რომ ვნახე, ზედმეტად გატეხილი იყო. ფსიქოლოგიური ზეწოლა ხდებოდა მასზე, – ამის შესახებ 2011 წელს დაკავებული ფოტოგრაფის გია აბდალაძის ყოფილმა ადვოკატმა ვლადიმერ მაჭარაშვილმა განაცხადა.
ადვოკატმა აბდალაძესთან შეხვედრებიც გაიხსენა და აღნიშნა, რომ მისი დაცვის ქვეშ მყოფზე, დანაშაულის აღიარების მიზნით ფსიქოლოგიური ზეწოლა ხორციელდებოდა.
“პირველი შეხვედრის დროს გიორგი აბდალაძე იყო ძალიან მხნედ. თავს თვლიდა უდანაშაულოდ და აპირებდა ბოლომდე ბრძოლას თავისი სიმართლის დასამტკიცებლად. მეორედ რომ ვნახე, ზედმეტად გატეხილი იყო. ფსიქოლოგიური ზეწოლა ხდებოდა მასზე, მითხრა – შენ არ იცი რა ხდება აქ, ვინ დადიან ჩემთან სტუმრადო, ისეთი ადამიანები, ვინც არ უნდა იყვნენო. მთხოვა კამერები ამომეღო. მივმართე სასჯელაღსრულების უწყებას, მაგრამ არ მომცეს”, – განაცხადა მაჭარაშვილმა.