ისრაელის საგარეო საქმეთა მინისტრმა, გიდეონ საარმა „მძიმე და სამარცხვინო“ უწოდა სამხრეთ ლიბანში ისრაელის თავდაცვითი ძალების ჯარისკაცის მიერ ქრისტიანული სიმბოლოს დაზიანებას.
„ეს სამარცხვინო ქმედება სრულიად ეწინააღმდეგება ჩვენს ღირებულებებს“, – განაცხადა საარმა.
„ისრაელი არის ქვეყანა, რომელიც პატივს სცემს სხვადასხვა რელიგიასა და მათ წმინდა სიმბოლოებს და მხარს უჭერს ტოლერანტობასა და ურთიერთპატივისცემას რელიგიებს შორის. ჩვენ ბოდიშს ვიხდით ამ ინციდენტისთვის და ყველა იმ ქრისტიანის წინაშე, ვისი გრძნობებიც შეურაცხყოფილი იქნა“, – აღნიშნა მინისტრმა.
მანამდე ისრაელის არმიამ დაადასტურა იმ ფოტოს ავთენტურობა, რომელზეც სამხრეთ ლიბანში მყოფი ჯარისკაცი იესოს ქანდაკებას უროთი ამსხვრევს.
სამხედრო უწყების განცხადებით, მათ მიმართ, ვინც ამ ინციდენტში მონაწილეობდა, შესაბამისი ზომები გატარდება.