აშშ-ის ვიცე-პრეზიდენტის, ჯეი დი ვენსის ვიზიტი პაკისტანში, ირანთან მოლაპარაკებების მეორე რაუნდის გამართვის მიზნით, შეჩერებულია მას შემდეგ, რაც თეირანმა ამერიკულ პოზიციებს არ უპასუხა – განაცხადა სამშაბათს აშშ-ის ოფიციალურმა პირმა, რომელიც დეტალებს უშუალოდ ფლობს.
ირანულმა მხარემ კი განაცხადა, რომ ჯერ არ გადაუწყვეტია, განაახლებს თუ არა მოლაპარაკებებს შეერთებულ შტატებთან.
იმის ფონზე, რომ ირანში ორკვირიანი ზავის ვადა ოთხშაბათს იწურება, გაურკვეველია, რა ნაბიჯებს გადადგამს ირანი ან შეერთებული შტატები.
მოლაპარაკებები შესაძლოა ნებისმიერ დროს განახლდეს, თუმცა პრეზიდენტმა ტრამპმა მიანიშნა, რომ მას არ სურს ზავის გაგრძელება გრძელვადიანი შეთანხმების გარეშე.
ირანის საგარეო საქმეთა სამინისტროს წარმომადგენელმა, ესმაილ ბაღაიმ განაცხადა, რომ ირანს პაკისტანში გამგზავრების გადაწყვეტილებაც კი არ მიუღია. ქვეყნის სახელმწიფო მაუწყებლის, IRIB-ის ცნობით, მან ეს „ამერიკული მხარის წინააღმდეგობრივი გზავნილებით, არათანმიმდევრული ქცევითა და მიუღებელი ქმედებებით“ ახსნა.