აშშ-ის ხაზინის მდივანი, სკოტ ბესენტი ირანის წინააღმდეგ ეკონომიკური და საზღვაო წნეხის მკვეთრ გაძლიერებას აანონსებს. მისი განცხადებით, ვაშინგტონი აგრძელებს „მაქსიმალური ზეწოლის“ პოლიტიკას, რაც მიზნად ისახავს თეირანის ფინანსური რესურსების სრულ ბლოკირებას.
„როგორც პრეზიდენტმა მკაფიოდ განაცხადა, ამერიკის შეერთებული შტატების სამხედრო-საზღვაო ფლოტი განაგრძობს ირანული პორტების ბლოკადას. რამდენიმე დღეში ხარკის კუნძულის საცავები გაივსება, რის გამოც ირანის ნავთობის ჭაბურღილები მუშაობას შეწყვეტენ. ირანის საზღვაო ვაჭრობის შეზღუდვა პირდაპირ მიზანში იღებს რეჟიმის შემოსავლების მთავარ სასიცოცხლო წყაროებს.
აშშ-ის ხაზინის დეპარტამენტი კვლავაც განახორციელებს მაქსიმალურ ზეწოლას კამპანია „ეკონომიკური რისხვის“ მეშვეობით, რათა სისტემურად დაასუსტოს თეირანის უნარი, მოიპოვოს, გადარიცხოს და დააბრუნოს ფულადი სახსრები.
ნებისმიერი პირი ან გემი, რომელიც ხელს შეუწყობს ამ ნაკადებს ფარული ვაჭრობისა და ფინანსების მეშვეობით, აშშ-ის სანქციების საფრთხის წინაშე დადგება. ჩვენ ვაგრძელებთ კორუმპირებული ხელმძღვანელობის მიერ მოპარული სახსრების გაყინვას ირანელი ხალხის სახელით“, – აღნიშნა ბესენტმა.