ილონ მასკის კომპანიამ SpaceX აქციების პირველად საჯარო განთავსებაზე (IPO) განაცხადი შეიტანა. მოსალოდნელია, რომ ეს უოლ-სტრიტის ისტორიაში უმსხვილესი IPO გახდება.
კომპანიის IPO-ს წამყვანი ორგანიზატორი ბანკი Goldman Sachs იქნება. 2026 წლის თებერვალში, xAI-სთან (ილონ მასკის ხელოვნური ინტელექტის სტარტაპთან) შერწყმის შემდეგ, SpaceX-ი 1,25 ტრილიონ დოლარად შეფასდა.
ილონ მასკის საკონტროლო პაკეტი კომპანიაში, შესაძლოა, 600 მილიარდ დოლარზე მეტი ღირდეს. 2025 წელს მასკი გახდა პირველი ადამიანი, რომლის ქონებამაც 500 მილიარდ დოლარს გადააჭარბა – ეს კი ნიშნავს, რომ SpaceX-ის IPO-მ, შესაძლოა, კიდევ უფრო გაზარდოს მისი საერთო კაპიტალი და მსოფლიოს უმდიდრესი ადამიანი ტრილიონერად აქციოს. ეს პირველი ასეთი შემთხვევა იქნება თანამედროვე მსოფლიოს ისტორიაში.
SpaceX ხელოვნური ინტელექტის ინდუსტრიის იმ სამი გიგანტიდან პირველი გახდა, რომელთა ბირჟაზე გასვლაც წელს არის მოსალოდნელი. დანარჩენი ორი OpenAI და Anthropic-ია.