აშშ-ის ეროვნული დაზვერვის დირექტორი, ტულსი გაბარდი თანამდებობას ტოვებს, რის შესახებაც ტრამპის ოფიციალური განცხადებით უკვე აცნობა.
გადაწყვეტილების მიზეზად მეუღლის ჯანმრთელობის მდგომარეობას ასახელებს.
გაბარდი წერილში, რომელსაც საზოგადოებას უზიარებს აღნიშნავს, რომ მის მეუღლეს, ძვლის კიბოს უიშვიათესი ფორმის დიაგნოზი დაუსვეს, რის გამოც მას მომავალ კვირებსა და თვეებში უდიდესი გამოწვევების გადალახვა მოუწევს.
“სამწუხაროდ, იძულებული ვარ წარვადგინო ჩემი განცხადება გადადგომის შესახებ, რომელიც ძალაში 2026 წლის 30 ივნისიდან შევა. ჩემს მეუღლეს, აბრაამს, ცოტა ხნის წინ ძვლის კიბოს უიშვიათესი ფორმის დიაგნოზი დაუსვეს. მომავალ კვირებსა და თვეებში მას უდიდესი გამოწვევების გადალახვა მოუწევს. ამ ეტაპზე მე უნდა ჩამოვშორდე საჯარო სამსახურს, რათა ვიყო მის გვერდით და სრულად დავუჭირო მხარი ამ ბრძოლაში,” – აცხადებს ტულსი გაბარდი .
გაბარდი მზადყოფნას გამოთქვამს, მომავალი კვირების განმავლობაში უზრუნველყოს საქმეების საფუძვლიანი გადაბარება, რათა პრეზიდენტის გუნდმა არანაირი შეფერხება არ იგრძნოს.
“სამუდამოდ მადლობელი დავრჩები თქვენი და ამერიკელი ხალხის წინაშე იმ უდიდესი პატივისთვის, რასაც ეროვნული დაზვერვის დირექტორის პოსტზე ჩვენი ქვეყნის სამსახურში ყოფნა ჰქვია,”- წერს გაბარდი.