აშშ-ის პრეზიდენტ დონალდ ტრამპს ვაშინგტონში, ლინკოლნის მემორიალის მიმდებარე ტერიტორიაზე სასეირნო ბილიკის მოწყობა და მისთვის საკუთარი სახელის დარქმევა სურს.
„პოლიტიკოს“ ცნობით, აშშ-ის პრეზიდენტმა ჟურნალისტებს განუცხადა, რომ მას სურს სასეირნო ბილიკის შექმნა, რომელიც ფეხით მოსიარულეებს მდინარე პოტომაკის აღმოსავლეთ სანაპიროზე ძეგლის უკანა მხარესთან მარტივად მისვლის საშუალებას მისცემს.
„მათ სურთ, რომ ტრამპის სასეირნო ზოლი უწოდონ. ეს შესანიშნავი პროექტია და ის ლინკოლნის მემორიალს პირდაპირ პოტომაკთან დააკავშირებს“, – განაცხადა ტრამპმა.
მედიის ცნობით, ვაშინგტონში აღნიშნულ ადგილას უკვე მიმდინარეობს სამშენებლო პროექტი.
კომენტარები