ე.წ. ციანიდის საქმის პროკურორის ინფორმაციით, პატრიარქის დაცვის ყოფილი უფროსი სოსო ოხანაშვილი სასამართლოში დაკითხვაზე უარს ამბობს.
როგორც ზვიად გუბელაძემ “ინტერპრესნიუსს” განუცხადა, პროკურატურამ მიმართა ოხანაშვილის ოჯახს, რომ ის სასამართლოში დაკითხვის მიზნით მოწმის სახით გამოცხადებულიყო, რაზეც ოჯახის წევრებმა განაცხადეს, რომ “სოსო ოხანაშვილი საქართველოში არ იმყოფება და არც აპირებს ჩამოსვლას”.
“დავუკავშირდით ოჯახის წევრს, რომელმაც გვითხრა, რომ იმყოფება გერმანიაში და არ აპირებს ჩამოსვლას. ჩვენ ვიშუამდგომლებთ, რომ რაც გამოძიების ეტაპზე აქვს მიცემული ჩვენება, იმის გამოქვეყნება მოხდეს სასამართლოზე”, – განაცხადა ზვიად გუბელაძემ.
მისივე თქმით, ოხანაშვილის ჩვენების გამოქვეყნების შუამდგომლობას პროკურატურა დღეს დააყენებს.
კომენტარები