თბილისის ერთ-ერთ სკვერში 40 წლამდე ქალი გარდაცვლილი იპოვეს. გარდაცვლილის ოჯახის წევრების თქმით, მათ პოლიციას ქალის დაკარგვის შესახებ რამდენიმე დღის წინ მიმართეს და დახმარება ითხოვეს. ინფორმაციას inforustavi ავრცელებს.
პოლიცია დაკარგულს რამდენიმე დღის განმავლობაში ეძებდა, დღეს კი თბილისში მდებარე ერთ-ერთ სკვერში გარდაცვლილი იპოვეს. ცხედარი რუსთავის სამედიცინო ექსპერტიზის განყოფილებაში გადაასვენეს.
გამოცემის ცნობით, გარდაცვლილს თავის არეში ბლაგვი საგნით აქვს დაზიანება მიყენებული. გარდაცვლილი დაოჯახებული იყო, ჰყავდა მეუღლე და ორი მცირეწლოვანი შვილი.
კომენტარები