როდესაც ეცოდინებათ, რომ საქართველოში არსებობს კანონი, რომელიც კრძალავს და აუცილებლად პასუხს მოგთხოვს ამ ცნებების შეურაცხყოფისათვის, ყველაფერი მარტივად, ცივილურად დალაგდება, – განაცხადა მსახიობმა გიორგი შანიძემ „დღის ქრონიკაში“.
მან საინიციატივო ჯგუფთან ერთად ახალ საკანონმდებლო ინიციატივაზე მუშაობა დააანონსა, რაც ქვეყანაში არსებული ვითარების დე-ესკალაციისა და ნორმალიზაციისკენ იქნება მიმართული.
„ყველა იმ ადამიანს მივესალმებით, ვინც ფიქრობს, რომ ამ ქვეყანაში ძვირფასია ჩვენი ფასეულობები, თუმცა ვემიჯნებით ნებისმიერ ძალადობას. ვთვლით, რომ ძალადობით პრობლემას ვერ მოვაგვარებთ. ბევრად უფრო ცივილური, ადამიანური, დახვეწილი ფორმა იქნება, რომ დავაინიციროთკანონპროექტი, ინიციატივა. დარწმუნებული ვარ, ასეთი რადიკალური ნაბიჯების გადადგმა არც ამ ორგანიზაციას მოუწევს და არც სხვას. ყველას ეცოდინება ამ ქვეყანაში, აქ მაცხოვრებელ ადამიანსაც, სტუმრებსაც, ტურისტული ქვეყანა ვართ, რომ როგორც ჩვენ ვიცით, როდესაც ჩავდივართ სხვა ქვეყანაში, რომ რაღაც არ შეიძლება, არ შეიძლება რაღაც შეურაცხყო, რაც მათთვის წმინდაა, ასევე ეცოდინება ყველა სტუმარს და ტურისტს, რომელიც აქ ჩამოვა.
რამდენიმე დღის წინ ვნახეთ, ვიღაც ფეხით ანგრევდა ტაძრის კარს, ვიღაც შეურაცხყოფდა მონასტრის კედლებს და ა.შ. როდესაც ეცოდინებათ, რომ საქართველოში არსებობს კანონი, რომელიც კრძალავს და აუცილებლად პასუხს მოგთხოვს ამ ცნებების შეურაცხყოფისათვის, ყველაფერი მარტივად, ცივილურად დალაგდება“, – აღნიშნა შანიძემ.