ირანი ჰორმუზის სრუტის განაღმვის უფლების ევროპული ქვეყნებისთვის მიცემას განიხილავს – ეს სავარაუდო დათმობა შესაძლოა იმ შეთანხმების ნაწილი გახდეს, რომელიც ამ საზღვაო მარშრუტზე ნაოსნობის აღდგენასა და აშშ-თან სამშვიდობო მოლაპარაკებების გაადვილებას ისახავს მიზნად, – წერს საინფორმაციო სააგენტო Bloomberg-ი.
საჯაროდ ირანი კვლავ მტკიცედ აცხადებს, რომ უცხო ქვეყნებს არ დაუშვებს განაღმვით სამუშაოებზე ამ კრიტიკულ სატრანზიტო ჰაბში, სადაც ნავთობისა და თხევადი ბუნებრივი აირის უდიდესი ნაკადი გადის.
თუმცა, ბოლო კვირებში გამართულ დახურულ შეხვედრებზე თეირანმა ეს პოზიცია შეარბილა.
ეს ნაბიჯი ნაოსნობისა და სადაზღვევო სექტორებს მისცემს ნეიტრალური მხარის მიერ დადასტურებულ გარანტიას, რომ ხუთ თვეზე მეტი ხნის სამხედრო კონფლიქტის შემდეგ სრუტე უსაფრთხოა. ეს ასევე შეუწყობს ხელს ომის დასასრულებლად მიმართულ უფრო ფართო დიპლომატიურ ძალისხმევას.