ევროპის სუპერთასის ფინალში, სადაც “პარი სენ-ჟერმენმა“ “ასტონ ვილა“ 2:1 დაამარცხა, ყურადღების ცენტრში არ მხოლოდ მინდორზე მიმდინარე მწვავე ბრძოლა, არამედ ტრიბუნებიც მოექცა.
პარიზული კლუბის ფეხბურთელების მეუღლეები ზალცბურგის სტადიონზე გუნდს აქტიურად გულშემატკივრობდნენ.
ფოტოგრაფების განსაკუთრებული ყურადღება მიიპყრეს ხვიჩა კვარაცხელიას მეუღლემ, ნიცა თავაძემ და ლუკას ერნანდესის მეუღლემ, ვიქტორია ტრიაიმ.
“პარიზის ახალი პატარძლები“, – სწორედ ასე შეაფასეს სოციალურ ქსელებში ნიცასა და ვიქტორიას გამოჩენა, რომლებმაც ტრიბუნებზე დახვეწილი სტილითა და გამორჩეული იმიჯით მიიპყრეს ყურადღება.
გოგონებს მატჩის განწყობის შესაბამისად ეცვათ – ნიცა პსჟ-ს მაისურით ადევნებდა თვალს მეუღლის მორიგ ტრიუმფს, ხოლო ვიქტორიამ კლუბის თეთრი კეპი არჩია.
გარდა მხურვალე ემოციებისა, მედიის ყურადღება ასევე მიიპყრო გოგონების ძვირფასმა სამკაულებმა და აქსესუარებმა. ფოტოებში კარგად ჩანს მათი შთამბეჭდავი ბეჭდები და სამაჯურები, რომლებმაც სოციალურ ქსელებში დიდი გამოხმაურება გამოიწვია.
