“Maroon 5”-ის გუშინდელი კონცერტი კულტურის მინისტრმა მიხეილ გიორგაძემ შეაფასა.
„შეფასება მაყურებელი და მსმენელია, რომელიც გუშინ იქ იყო და რა გამოხმაურებებიც ჰქონდა გუშინდელ საღამოს. რაც ვნახე, რასაც ვკითხულობ სოციალურ ქსელებში, ყველა აღფრთოვანებული და კმაყოფილია. უამინდობამ, წვიმამაც გარკვეული “ექშენი” შემატა ამ საღამოს. მიუხედავად წვიმისა, 30 000 ადამიანზე მეტი კონცერტზე ბოლომდე დარჩა, ისიამოვნა ამ დღით”,-აღნიშნა გიორგაძემ.
მისივე თქმით, ერთ-ერთი დამატებითი მიზანი ამ ღონისძიების ეკონომიკური ეფექტი.
“ფაქტია, გუშინ სასტუმროს ყველა ნომერი, რაც კი არის ქალაქში, დაჯავშნული იყო, ასევე კერძო ბინები, დიდი და პატარა კაფეები გადავსებული იყო ტურისტებით. გუშინდელმა საღამომ კიდევ ერთხელ გვიჩვენა, რომ Check in Georgia მუშობს და ის პრაგმატული გათვლა, რაც ამ პროექტთან დაკავშირებით მთავრობას გვქონდა, მართლდება“, – განაცხადა მიხეილ გიორგაძემ.
