სსიპ დავით აღმაშენებლის სახელობის საქართველოს ეროვნული თავდაცვის აკადემიაში NATO-ს ექსპერტთა ჯგუფი იმყოფებოდა.
ვიზიტის მიზანს აკადემიის საქმიანობის NATO-ს ხარისხის მართვის სტანდარტებთან მიმართებით შეფასება წარმოადგენდა, NATO-ს ინსტიტუციური აკრედიტაციის მოპოვების მიზნით.
NATO-ს ექსპერტთა მიერ შეფასდა აკადემიის ხელმძღვანელობის მართვის პრინციპები, სწავლა-სწავლების პროცესი და აკადემიის კონტრიბუცია NATO-სთვის. აკადემია ახორციელებს როგორც აკადემიურ უმაღლეს განათლებას, ასევე კურსს „კონტრტერორიზმი და ამბოხებულთა წინააღმდეგ ბრძოლა“ NATO-ს წევრი და პარტნიორი ქვეყნების წარმომადგენლებისთვის.
შეფასების შედეგად, აკადემიამ მიიღო NATO-ს ექვსწლიანი უპირობო ინსტიტუციური აკრედიტაცია.
აღნიშნული შედეგი ადასტურებს, რომ ეროვნული თავდაცვის აკადემიის საქმიანობა თავსებადია NATO-ს ხარისხის მართვის სტანდარტებთან და კიდევ ერთხელ უსვამს ხაზს აკადემიის მნიშვნელოვან როლს საერთაშორისო საგანმანათლებლო და პროფესიული განვითარების მიმართულებით.