პარტია “ქართული ოცნების” თბილისის მერობის კანდიდატმა, კახი კალაძემ საკრებულოს ჩუღურეთის მაჟორიტარი დეპუტატობის კანდიდატი რიმა ბერაძე წარადგინა.
გამოსვლისას კახი კალაძემ ყურადღება საარჩევნო პროგრამაზე გაამახვილა და აღნიშნა, რომ რიმა ბერაძე იქნება ჩუღურეთის ხმა თბილისის საკრებულოში. მისი თქმით, 2012 წლის შემდეგ, ქვეყანაში ბევრი რამ გაკეთდა, მაგრამ ისევ რჩებიან ადამიანები, რომელთაც მხარდაჭერა და დახმარება სჭირდებათ.
კალაძის განცხადებით, სახელმწიფო პროგრამები კვლავ გაგრძელდება, რათა თითოეული მოქალაქე იყოს შეძლებული და ხელგამართული.
“ჩუღურეთის მაჟორიტარი იქნება თქვენი ხმა საკრებულოში, რომელიც პრობლემების გადასაჭრელად იბრძოლებს”, – დასძინა კალაძემ. ამომრჩეველს ირმა ბერაძემაც მიმართა და კახი კალაძის მიღწევებზე ისაუბრა.
კომენტარები