უკრაინის სასაზღვრო სამსახურის პრესამსახურის განცხადებით, ოდესის ყოფილმა გუბერნატორმა პოლონეთ-უკრაინის საზღვარი უკანონოდ გადაკვეთა.
ამის შესახებ უკრაინული მედია წერს.
“ხალხის ჯგუფმა, რომელთა შორის სპეციალურად ამ მიზნით მომზადებული ადამიანები იმყოფებოდნენ, გაარღვია შეგინის სასაზღვრო გამშვები პუნქტი, უკანა მხრიდან. შეიძლება ითქვას, რომ ისინი შეიჭრნენ პოლონეთის ტერიტორიაზე, წაიყვანეს მიხეილ სააკაშილი, დაიწყეს ჩხუბი მესაზღვრეებთან და ძალით შეიყვანეს სააკაშვილი უკრაინის ტერიტორიაზე”, – განაცხადა უკრაინის სასაზღვრო სამსახურის პრესსპიკერმა, ოლეგ სლობოდიანმა.
მისივე თქმით, ფაქტის სამართლებრივი შეფასება მოგვიანებით გაკეთდება.
უკრაინის ტერიტორიაზე გადასვლის შემდეგ მიხეილ სააკაშვილი მხარდამჭერებთან ერთად ლვოვის მიმართულებით გაემგზავრა.
კომენტარები