”ერთიანი ნაციონალური მოძრაობის” წევრი გიორგი ბარამიძე ნიკა მელიას მიერ გაკეთებულ განცხადებას, რომლის მიხედვით დავით კეზერაშვილმა ფული ყაჩარობით იშოვა, ამ რეპლიკით ეხმიანება:
“მე არ მინდა ამ თემაზე კომენტარის გაკეთება იმიტომ, რომ პირადი ურთიერთობა მაკავშირებს დათოსთან. რაც შეეხება პარტიის თავმჯდომარის განცხადების შეფასებას, მე უკვე გაგეცით ამაზე პასუხი”, -ამბობს ბარამიძე.
გიორგი ბარამიძის ამ კომენტარს “ტაბულას’ ხელმძღვანელი თამარ ჩერგოლეიშვილი ეხმიანება:
“ორი ვარიანტია:
1. ბარამიძე თვლის რომ კეზერა ყაჩაღია და ძარცვით გამდიდრდა – უბრალოდ, პირადი ურთიერთობის გამო ვერ ამბობს.
2. ბარამიძე თვლის რომ მათი პარტიის პოლიტსაბჭოს თავმჯდომარე ცილისმწამებელია, უბრალოდ არ ყოფნის გამბედაობა რომ თქვას. ორივე შემთხვევაში დასკვნები თქვენთვის მომინდია”, – წერს ჩერგოლეიშვილი სოციალური ქსელის გვერდზე.