“ნაციონალური მოძრაობის“ და “ევროპული საქართველოს“ საჯარო დაპირისპირების ფონზე წამოჭრილ საკითხს – დავით კეზერაშვილის მიერ “ევროპული საქართველოს“ შესაძლო დაფინანსებაზე, პარტიის ერთ-ერთი ლიდერი ოთარ კახიძე ქრონიკასთან ინტერვიუში პასუხობს.
“მელიას მთავარი სამიზნე კეზერაშვილი კი არა, იყო ევროპულო საქართველო – გიგი უგულავა. უგულავაზე თქვა კორუმპირებული იყოო, ბოკერიაზე თქვა – გარიგებული იყოო. ჩემზე არ უთქვამს ერთადერთი, რომ ვიყავი ადეიშვილის პირსისხლიანი მოადგილე. დანარჩენი გვარები ჩამოთვალა. ბოლოს, უბრალოდ, კეზერაშვილზე მოსახვევში მოუცურდა და “ყაჩაღი, მძარცველი, და ქურდიო“, – ამ დროს უკვე ვეღარ გააკონტროლა“, – აცხადებს ოთარ კახიძე და მიიჩნევს, რომ ამ სახით ნაციონალური მოძრაობა აღარ არის სანდო პოლიტიკური ძალა.
“ის რაც დარჩა დღეს ნაციონალური მოძრაობისგან, არ არის ძალა, ვისაც ქვეყანა უნდა ჩააბარო. ეს არის რეალობა, რომელსაც თვალი უნდა გაუსწოროს ყველამ. მათ შორის ნაციონალური მოძრაობის ამომრჩეველმაც… არ არის ეს პარტია ფორმაში. არ არის ის მთავარი ოპოზიციური ძალა“, – ამბობს კახიძე.