საპარლამენტო უმრავლესობის დეპუტატმა დავით მათიკაშვილმა პარლამენტის პლენარულ სხდომაზე სიტყვით გამოსვლისას „ნაციონალური მოძრაობა“ ცილისწამებასა და ტყუილში დაადანაშაულა:
„მართალია, რომ პოლიტიკოსი, პარლამენტის წევრი საკუთარი განცხადებები გამო მართლმსაჯულების წინაშე ვერ წარსდგება და ამის პასუხისმგებლობა არ ექნება, თუმცა მას გააჩნია მორალური პასუხისმგებლობა, მას გააჩნია პოლიტიკური პასუხისმგებლობა და სწორედ ამ პასუხისმგებლობაზე მინდა გესაუბროთ.
კოლეგებო, მინდა გესაუბროთ იმ ტყუილებზე და დეზინფორმაციულ მანქანაზე, რომლის მეშვეობითაც „ნაციონალური მოძრაობა“ ხელისუფლებაში ყოფნის დროს მართავდა ქვეყანას, ხოლო ოპოზიციაში ყოფნის დროს, ტყუილი და დეზინფორმაცია გახდა პოლიტიკური ბრძოლის ინსტრუმენტი და მექანიზმი. მე საზოგადოებას მინდა გავახსენო სულ ორიოდე მაგალითი ტყუილის და დეზინფორმაციის, რომელიც „ნაციონალური მოძრაობის“ ხელისუფლებაში ყოფნის დროს მთელმა საზოგადოებამ და მსოფლიომ იხილა. ერთი მაგალითი – ეს არის განმუხურის შემთხვევა, როდესაც „ნაციონალური მოძრაობის“ წარმომადგენლები სრულიად საქართველოს აჯერებდნენ, რომ რუსული სამხედრო მანქანა განრისხებული მიხეილ სააკაშვილის წინაშე უკან იხევს, ზღვის ფონზე. ეს ყველა ჩვენგანს კარგად გვახსოვს თუ რამხელა ტყუილი და ცილისწამება, რამხელა დეზინფორმაცია იყო აქ ჩადებული, ეს შემდეგ საზოგადოებამ ძალიან კარგად დაინახა სამწუხაროდ. მეორე ოდნავ სახუმარო ფაქტზე გავამახვილებს ყურადღებას, ე.წ. კალანდობა, გურიაში ჩატარებული ის ინსცენირება დღესასწაულის, სადაც მემგონი მრავალი თეატრალური დასი მონაწილეობდა და მთელ საქართველოს აჩვენებდნენ თუ როგორ მიბრძანდება პრეზიდენტი გურულ ოჯახში, როგორ ხვდება ის კალანდობას და ა.შ. ეს ყველაფერი იყო ტყუილი და დეზინფორმაცია, რაც კვლავ რჩება ჩვენი პოლიტიკური ოპონენტების ყოველდღიურ დღის წესრიგად, მათ ამის გარეშე არ შეუძლიათ ყოფნა. ამ ყველაფრით ვგულისხმობ იმას, რომ განსაკუთრებით ბოლო პერიოდში მომრავლდა ამ ჟანრში შესრულებული პასაჟები ჩვენი ოპონენტების მხრიდან. აი აქაც, ამ მოცემულობაშიც კი, ვერც კი ვასწრებდი ჩანიშვნას თუ რამდენი ტყუილი და ცილისწამება იქნა ნათქვამი. გავიხსენოთ ფაქტები… პირველი – კახი კალაძესთან მიმართებაში ვერაფერი ვერ ნახეს, ვერაფერი ვერ მოძებნეს და პირდაპირი ტყუილი იყო ნათქვამის მშენებლობასთან დაკავშირებით გასულ რეპორტაჟში, „რუსთავი 2“ -ის ეთერით, და, საზოგადოებამ ძალიან კარგად დაინახა, რომ ეს იყო სრული ცილისწამება.
ასევე, თითქოს პარლამენტის წევრები სამეწარმეო საქმიანობას ეწევიან, ძალიან მარტივად ასახსნელი საკითხია ეს ფაქტი, მე ეს არაკომპეტენტურობა არ მგონია, ეს უფრო შორს გათვლილი ნაბიჯი იმისთვის, რომ საზოგადოება შეცდომაში შეიყვანონ. თქვენ ვერ შეიყვანთ საზოგადოებას შეცდომაში, მათ ეს ყველაფერი ძალიან კარგად იციან! საარჩევნო გარემოსთან მიმართებაში ბოლო დღეები იყო შეტევა ჩვენს მიმართ. მინდა გითხრათ, რომ ძალადობის შემთხვევა ძალადობის კუთხით არ არსებობს, არანაირ ძალადობას ადგილი არ აქვს.
ყველაზე მთავარი, რასაც მინდა გამოვეხმაურო, ეს არის „ქართუს“ შემთხვევა. დიახ, სწორედ ნიკანორ მელია ცდილობდა ბანკი „ქართუს“ გაკოტრებას 2011- 2012 წლებში. მან ეს ვერ შეძლო და აგერ უკვე მეორედ მივიდა „ქართუსთან“ ხელმოცარული. რატომ ვერ შეძლო მე გეტყვით, საქართველოს ახსოვს ის უპრეცენდენტო მხარდაჭერა, რომელიც ჩვენმა საზოგადოებამ მაშინ ბანკ „ქართუს“ აღმოუჩინა დახმარება, იყო მრავალათასიანი რიგი „ქართუსთან“, სწორედ იმიტომ, რომ ჩვენ საზოგადოებას გამოეხატა ის მხარდაჭერა კომერციული სტრუქტურის მიმართ, როდესაც მთელი სახელმწიფო მექანიზმი ებრძოდა „ქართუს“. ეს არის „ნაციონალური მოძრაობის“ მხრიდან სრულიად სასირცხვილო. ტყუილია კრიმინალი გაიზარდაო, კრიმინალი როგორ გაიზარდა როდესაც უსაფრთო ქვეყნების რიგში შეგვიყვანეს და მეშვიდე ადგილზე ვართ“, – განაცხადა დავით მათიკაშვილმა.