საქართველოს ყოფილი პრეზიდენტი და ოდესის ოლქის ყოფილი გუბერნატორი მიხეილ სააკაშვილი, უკრაინის ქალაქ ჩერკასში სიტყვით გამოვიდა. მისი თქმით, მას მხოლოდ ერთი საბანკო ანგარიში აქვს.
“მსოფლიოში ერთადერთი ანგარიში მაქვს გახსნილი პრივატ ბანკში, როგორც აქ შეკრებილ ბევრ თქვენგანს. როდესაც მითხრეს, თქვენ უკრაინის მოქალაქე აღარ ხართ და ვეღარ მართავთ თქვენს ანგარიშებს, ეს როგორ-მეთქი და აი, ასე-ო, მითხრეს. მე ვუთხარი, არა, ჩემი მოქალაქეობა უკან მინდა დავიბრუნო-მეთქი.
ასეთი ისტორია, მათ ვერც კი წარმოუდგენიათ, რომ ადამიანები შეიძლება ერთ ადგილს იყვნენ მიჯაჭვულები და იბრძოლონ ამ ერთი ადგილისთვის.
დიახ, ძალიან ვამაყობ საქართველოთი, მაგრამ ამავდროულად ისიც ვიცი, რომ საქართველო ვერ გადარჩება, თუ უკრაინა არ გაიმარჯვებს. ეს ჩემი გამოცდილებაა. აქ ბევრი ქართველია, რომლებსაც შეუძლიათ ეს დაადასტურონ. უკრაინის გარეშე ვერ იქნება საქართველო, უკრაინის გარეშე გარშემო ვერცერთი ქვეყანა იქნება. ეს ყველაფერი ჩემთვის ნათელია”, – აცხადებს სააკაშვილი.