დიდი მადლობა შემოთავაზებისთვის, რომ ჩემთვის სასურველ დროს მოვიდე, მომავალში აუცილებლად გაცნობებთ ჩემთვის სასურველ დროს, – ასე უპასუხა საგარეო საქმეთა მინისტრმა „ევროპული საქართველოს“ წარმომადგენელ ირმა ნადირაშვილს, რომელმაც მიხეილ ჯანელიძეს პარლამენტის რეგლამენტის 94 მუხლი წაუკითხა და სთხოვა აეხსნა, რატომ არ მიდის მინისტრი უმცირესობის მოთხოვნის შესაბამისად ფრაქციის სხდომაზე.
„დიდი მადლობა, რომ შეწუხდით და მომაწოდეთ 94-ე მუხლი, მაგრამ სჯობდა ქაღალდი არ დაგეხარჯათ – მაინც გავუფრთხილდეთ, სახელმწიფო ქონებაა, საჯარო ქონება. ვიცნობ კანონს. ელექტრონულადაც არსებობს ეს კანონი და ასევე სამართლის და იურიდიული კონსულტაციების მხრივ სამინისტროში პრობლემა არ არის. დიდი მადლობა შემოთავაზებისთვის, რომ ჩემთვის სასურველ დროს მოვიდე, მომავალში აუცილებლად გაცნობებთ ჩემთვის სასურველ დროს“– განაცხადა მიხეილ ჯანელიძემ.