სახმელეთო ჯარების დასავლეთ სარდლობაში საველე სამედიცინო სწავლება ჩატარდა. II ქვეითი ბრიგადის სამედიცინო დანაყოფების წვრთნები ეკის პოლიგონზე გაიმართა.
სამედიცინო სწავლების მთავარი მიზანი სამედიცინო ელემენტების ურთიერთშერწყმა, თავდაცვითი ოპერაციების სამედიცინო უზრუნველყოფის დახვეწა ბრიგადის შემადგენლობაში და სამედიცინო ელემენტების შეფასება იყო.
სწავლებას საქართველოს თავდაცვის მინისტრი თინათინ ხიდაშელი, გენერალური შტაბის უფროსის მოადგილე, პოლკოვნიკი ნიკოლოზ აგლაძე, დასავლეთ სარდლობის სარდალი, პოლკოვნიკი შალვა ჯაბახიძე და გენერალური შტაბის სამედიცინო დეპარტამენტის უფროსი, პოლკოვნიკი მედეა ბეთაშვილი დაესწრნენ.
საველე სწავლებაში მოზიდული იყო II მსუბუქი ბრიგადის სამედიცინო ასეული, 22-ე და 23-ე ბატალიონების ოცეულები და 21-ე და 24-ე ბატალიონების სამედიცინო ჯგუფები.