თბილისში დღეს 17:00 საათიდან ძლიერი ქარია მოსალოდნელი, – ამის შესახებ ინფორმაციას გარემოს ეროვნული სააგენტო ავრცელებს.
სინოპტიკოსების ცნობით, 20-25 მეტრი წამში ქარის სიჩქარე თბილისისთვის უჩვეულო არ არის, თუმცა სააგენტო მოქალქეებს მოუწოდებს, მაღალ ხეებთან და მაღალსართულიან კორპუსებთან გაჩერებას მოერიდონ.
„დაახლოებით 17:00 საათიდან გაძლიერდება ქარი და მისი სიჩქარე შიდა უბნებში 20-25 მეტრი წამში იქნება, ხოლო გარეუბნებში არ არსი გამორიცხული, მიაღწიოს 30 მეტრს წამში. 25-25 მეტრი წამში საერთაშორისო კლასიფიკაციით მიეკუთვნება ძლიერი ქარის კატეგორიას, 25-ის ზემოთ კი ძალიან ძლიერი ქარის კატეგორიას. თუმცა უნდა აღინიშნოს, რომ ამ სიჩქარის ქარი თბილისისთვის უჩვეულო არ არის, საკმაოდ ხშირად ყოფილა და თუ სათანადო სიფრთხილეს გამოვიჩენთ, შეიძლება, თავიდან ავიცილოთ უარყოფითი შედეგები.
სიფრთხილე მდგომარეობს იმაში, რომ მოვერიდოთ მაღალ, განსაკუთრებით არამდგრად ხეებს, რომლებიც მრავლად არის. მანქანებს ნუ დავაყენებთ მათ სიახლოვეს, მოვერიდოთ ტროტურებზემაღალსართულიან კორპუსებთან სიარულს, რათა რამე ნივთი არ ჩამოვარდეს და არ დაგვიზიანოსჯანმრთელობა. რაც მთავარია, ქარის ხანგრძლივობა დიდი არ იქნება და ხვალ დილიდან დაიწყებს კლებას“, – განაცხადა გარემოს ეროვნული სააგენტოს ჰიდრომეტეოროლოგიის დეპარტამენტის უფროსმა რამაზ ჭითანავამ.