ფრანგული გამოცემა Monde-ს ინფორმაციით, საფრანგეთის ყოფილ პრეზიდენტს, ნიკოლა სარკოზის, დიდი ხნისწინანდელ კორუფციულ საქმეზე დაწყებული გამოძიების ფარგლებში, სასამართლოში მისვლა ისევ მოუწევს.
“სასამართლოს გამოძიებამ 29 მარტს ხელი მოაწერა დოკუმენტს სახელმწფოს ყოფილი მეთაურის პარიზის სასამართლოში გაგზავნის შესახებ. სავარაუდოდ ის ამას აპელაციაში გაასაჩივრებს. მაგრამ არსებობს დიდი ალბათობა იმისა, რომ მას, თავის ადვოკატთან და მეგობართან, ტიერი ერცოგთან და ყოფილ მოსამართლესთან, ჟილბერ აზიბერთან ერთად სასამართლოს წინაშე წარდგენა მოუხდეს“, – ნათქვამია პუბლიკაციაში.
საქმე დიდი ხნის არის, რომლის თანახმადაც სარკოზს ბრალი ქრთამის მიცემაში, სამსახურებრივი მდგომარეობის გამოყენებასა და პროფესიული საიდუმლოს დარღვევაში ედება.
გამოძიება ვარაუდობდა, რომ საკასაციო სასამართლოში ე.წ. “ბეტანკურის საქმის“ განხილვისას, მისი საარჩევნო კამპანიის დაფინანსების შესახებ, თავისი ადვოკატის დახმარებით საიდუმლო ინფორმაციის მიღებას ცდილობდა. გამოძიება ვარაუდობს, რომ მას შეეძლო მოსამართლე აზიბერს მონაკოში, მოსამართლის პრესტიჟული თანამდებობის დაკავებას შეჰპირებოდა.
რამდენიმე ხანში პარიზის სააპელაციო სასამართლომ გამოძიების შედეგები შეცვალა და საბოლოოდ, სარკოზი და ერცოგი კორუფციაზე დაწყებული საქმის ფიგურანტები გახდნენ.
ნიკოლა სარკოზს ე.წ. ბეტანკურის საქმეზე მისი საარჩევნო კამპანიისას L’Oreal-ის მფლობელის, ლილიან ბეტანკურის ნდობის ბოროტად გამოყენება ბრალდება. გამოძიება 2007 წელს დაიწყო, მაგრამ 2012 წლამდე სარკოზს იმუნიტეტი ჰქონდა. 2013 წელს საქმე მტკიცებულებების უკმარისობის გამო დაიხურა.
ცოტა ხნის წინ, ნიკოლა სარკოზის 2007 წელს ლიბიის მიერ მისი საარჩევნო კამპანიის დაფინანსების საქმეზე ბრალი ოფიციალურად წაუყენეს.
20 მარტს ის სასამართლო მოსმენაზე დააკავეს.
21 მარტს სარკოზი პასიურ კორუფციასა და საარჩევნო კამპანიის არალეგალურ დაფინანსებაში ოფიციალურად დაადანაშაულეს და სახლში გაუშვეს. კადაფის შვილი მზადაა საფრანგეთის ყოფილი პრეზიდენტის წინააღმდეგ ჩვენება მისცეს.
ნიკოლა სარკოზი ქვეყანას 2007-2012 წლებში მართავდა.
იმედინიუსი