Reuters-ის ინფორმაციით, გერმანელი მილიარდერი კარლ ერივან ჰაუბი, რომელიც გერმანული ჰოლდინგის Tengelmann Group-ის დირექტორია, ალპებში დაიკარგა.
მის ჰოლდინგში ასევე შედის მეგამაღაზიების ქსელი OBI. აღსანიშნავია, რომ 58 წლის მოთხილამურე ბოლოს შვეიცარია-იტალიის საზღვართან ახლოს შენიშნეს. მასთან კონტაქტი 7 აპრილის შემდეგ დაიკარგა. დაკარგული მილიარდერის ოჯახმა საკმაოდ დიდი თანხა დააწესა, რათა ჰაუბი იპოვონ. თუმცა, სამძებრო და სამაშველო ოპერაციას ხელს უამინდობა უშლის.
Tengelmann Group-ი ფლობს 73 ინვესტიციას, რომელთა ღირებულება დაახლოებით 30 მილიარდი ევროა. ჰოლდინგში 215,000-ზე მეტი თანამშრომელია. 2000 წლიდან მას კარლ ერივან ჰაუბი ხელმძღვანელობს.
კომენტარები