რუსეთში ქალაქ კემეროვოში სავაჭრო ცენტრში ხანძარი მოკლე ჩართვის გამო მოხდა, რომელიც სახურავიდან ჩამოსულმა წყალმა გამოიწვია. ასეთ დასკვნამდე მივიდა სანქტ-პეტერბურგის უნივერსიტეტის სამაშველო სამსახურის ექსპერტიზა. ამის შესახებ ინფორმაციას “კომერსანტი” ავრცელებს.
ექსპერტების თქმით, მოკლე ჩართვა მეოთხე სართულზე ბავშთა სათამაშო ცენტრის ზემოთ მოხდა. სახურავიდან თოვლი არ გაუწმიდავთ, რის გამოც მან დნობა დაიწყო და წყალი ელექტროკაბელებში გადავიდა. თავიდან ცეცხლი პლასტმასის ჭაღს მოეკიდა, ხოლო შემდგომ ის მალევე გავრცელდა მშრალ აუზში ჩაყრილ პლასტიკურ ბურთულებზე.
სპეციალისტების ცნობით, ხანძარი ლოკალური იყო, თუმცა ვენტელაციამ ის გაავრცელა, რომელიც არავინ გამორთო.
25 მარტს, რუსეთში, ქალაქ კემეროვოში ხანძრის დროს დადასტურებული ინფორმაციით 64 ადამიანი დაიღუპა, მათ შორის 41 ბავშვია. ადგილზე მისულმა რუსეთის პრეზიდენტმა ვლადიმერ პუტინმა განაცხადა, რომ ტრაგედია გულგრილობისა და გაუფრთხილებლობის ბრალია.