მამა პეტრე ერთ-ერთი იმათგანია, ვინც ცოტა ხნის წინ ხალხს აფრთხილებდა, რომ ღამის კლუბებში ნარკოტიკებს ყიდიან და ამან შესაძლოა, ახალგაზრდების სცოცხლე იმსხვერპლოსო. ამ ტრაგედიის შემდეგ კი წერს:
„ვის კისერზეა, ის 12 მოზარდი, რომელიც კლუბური ნარკოტიკით გარდაიცვალა?! რატომ ვყვირი ერთი კვირაა?! როდემდე ასეთი განუკითხაობა?!
ნუთუ იმად ღირს ნარკოტიკით მოპოვებული ფული, რომ მოზარდების სიცოცხლე შეიწიროს?!
მერე რა, რომ ღმერთის არ გეშინიათ, ის არსებობს და ყველა მკაცრად აგებთ პასუხს!..
არასდროს, არავისგან წამოსული აგრესიის არ მეშინოდა… ვისაც ყველანაირი რესურსები გააჩნია, ისინი მდუმარებაში იმყოფებიან… მაინცდამაინც ცისარტყელას დროშები უნდა ფრიალებდეს, რომ საკუთარი პოზიცია დააფიქსირონ?! ვგმობ ქრისტეს სახელით ძალადობას… სარწმუნოების დაცვას აგრესიით და გინებით…
უფრო დიდი საფრთხის წინაშე დავდექით… მოზარდი თაობა ნარკოტიკებით იღუპება… კლუბებში მიდის აქტიური პროპაგანდა, თუ როგორი კარგია სტრესის, უხასიათობის საწინააღმდეგოდ… ,,ვიყივლებ” სანამ არ გათენდება…
მე არ მეშინია დამუქრების, ჩემი შვილები არ ამოიღონ მიზანში!..“